Party 前必睇「健康」零食攻略

零食這兩個字好像總是跟健康扯不上關係，但臨近節日，開派對時又總不能缺少零食，平常要完全禁止小朋友吃零食好像也不太可能。如果想學識挑選相對健康的零食，就要收起下面的攻略啦！

1.避開人工食用色素
軟糖、腸仔等零食，很多時都會用上人造色素，以增加對小朋友的吸引力。不過過量食用人造色素，有機會導致小朋友過度活躍及專注力不足。如果見到零食成分中，含有以下幾種人造色素，就更需要留意：E102、E104、E110、E122、E124及E129。

2.避開反式脂肪
反式脂肪這四個字，無論大人或小朋友挑選零食時，都一定要注意。人體吸收反式脂肪後，會增加低密度膽固醇，有機會導致血管閉塞，增加患上心臟血管疾病的風險。對減肥人士來說，反式脂肪更是有害無益。

3.避開高鈉
小朋友如果攝取過量鈉質，有機會導致鈣質流走。發育時期欠缺鈣質，有機會形響骨骼健康。一般人如果長期進食高鈉食物，亦有機會出現高血壓、水腫等問題。

4.留意果汁成分
不少家長都喜歡購買果汁予小朋友飲，但市面上部分果汁加入了大量糖分，除了有機會影響小朋友專注力，亦會影響健康。而小朋友習慣了果汁的甜味後，有機會「上癮」，甚至抗拒飲無味但健康的清水。

5.挑選代替品
以油焗蔬菜片替代薯片、天然果乾替代糖果、健康穀物替代麵包等，既能滿足吃零食的慾望，又相對健康。