帶飯返工陷阱多 記得五大健康規條

唔少打工仔都會帶飯返工，但原來帶飯返工都「規矩多多」。一唔小心輕則腸胃炎、重則食物中毒！台灣藝人黃錦雯的母親就試過因為食隔夜菜而中毒入院，差點引發敗血症！

想帶「隔夜飯」返工的你，記緊以下幾項守則，才不會影響健康！

1. 開吃前就好夾起
一般在家中吃飯，不太會使用公筷的話，建議在開飯前就先夾起要留的飯菜，因為如果有口水沾到食材，即使放入雪櫃都會滋生大量細菌。

2. 不要等飯菜全涼才放雪櫃
不少人「留餸」時怕直接放入雪櫃會影響雪櫃溫度，都愛先夾起然後放一邊「吹涼」，食飽才施施然將飯盒放入雪櫃。但其實食物在室溫約1至2小時就會滋生細菌，等到飯菜全涼才放入雪櫃，飯菜已經受到污染。

3. 用至少70度溫度徹底加熱
有些人因為害怕加熱隔夜餸會導致亞硝酸鹽，直接等飯菜解凍就開吃。但這樣做有機會直接將細菌吞落肚，引致腸胃炎或食物中毒！許多細菌在7℃至60℃生長繁殖，飯盒從雪櫃取出後，經過約一小時的上班路到公司，期間可能已經滋生出不少細菌，如：沙門桿菌、大腸桿菌、金黃色葡萄球菌和李斯特菌等。未經加熱殺菌就直接吃落肚，非常危險。

4. 隔夜蛋最好全熟
溏心蛋、半生熟蛋固然吸引，可是容易滋生沙門氏桿菌、金黃色葡萄球菌，最好不要作為帶飯食材。如果真的想帶雞蛋的話，建議先將雞蛋弄成全熟。

5. 隔夜湯要小心放
反覆加熱老火湯會提升鉀及鈉含量，影響健康。如果真的想飲隔夜湯，建議前一晚先將湯放在玻璃或陶瓷器皿中，再入放雪櫃冷藏。因為一般煲湯用的鐵鍋、不鏽鋼鍋，所含的金屬經過一晚會形成有害健康的化合物。