那夜凌晨在醫院返通宵的禁忌

你有無試過夜晚自己一個人在醫院行走？一般人都對醫院敬而遠之，但醫院24小時都要有人工作，不少醫護都試過在醫院「返通宵」而且禁忌多多。

1. 不可以食紅豆沙
一般返通宵的醫護都有Night Food時間，趁空檔時補充能量，不過千萬不能食紅豆沙。原來護士一般替病人輸血時，術語會叫「俾包紅豆沙佢」，既然這樣，當然不會吃紅豆沙做宵夜。

2. 不可以食橙／麥麥送
慘慘聲無人鍾意，食咩生果都好，食橙就免了。夜晚食包薯條是開心事，但麥麥送諧音「密密送」，一會食完病人密密送上來，就應該沒有哪個醫護會喜歡。

3. 不可以有「邪念」
返通宵最怕有「邪念」，見頭兩小時工作不太繁忙，就開始「放鬆」休息起來，傳言只要心有「邪念」。就會立即收症收不停。

4. 「打包」不可以叫同事名字
如果病人不幸於病房離世，護士要幫忙包好遺體，即「打包」。這個時候同事之間都不會叫對方名字，以免「先人」找上門。

5. 釘書機、剪刀要放桌上
護士「陰盛陽衰」，一般返通宵時都會將釘書機、剪刀等比較「陽剛」味重的物品放到桌上。有些更會張剪刀打開對住收症電話，希望「鎮」住電話不要響。

上面各種禁忌當然沒有科學驗證，不過有時返工但求安心，既然無傷大雅，不少醫護都寧可信其有。