抗癌6年的香港前甲組女子排球隊員劉韵琳，於社交平台發文指自己最近確診AML急性骨髓性白血病（俗稱血癌），意味她身上同時出現兩種血癌。由於仍然未找到合適骨髓進行移植，希望大眾可以登記成為骨髓捐贈者，希望尋找到合適骨髓。
劉韵琳六年前確診患上CML慢性骨髓性白血病，一直服用標靶藥控制病情、生活與常人無異，上季更仍然效力甲組南華隊。但到了今年7月，韵琳因為發燒入院，結果發現身體再次出現基因突變。「今年7月尾，我突然發燒，由於過去幾次驗血白血球都好低（1.0），安全起見都係去睇急症。發燒留院通常都走唔甩，但真係估唔到今次一留就留到依家都未出……係醫院不停打抗生素、抽血、抽骨髓（呢d都係細佬），最後確診AML「急性骨髓性白血病」。初頭我以為係慢性轉咗急性，但原來慢性一直都控制得好好，依家係CML+AML同時出現，醫生解釋係多咗某幾組基因突變。」
已經開始化療的韵琳，出現了不少副作用，「辛唔辛苦？只可以話一個星期瘦10磅不是夢～長期作嘔，要食嘢先嘔咗上一餐嘅先，真係感覺到個胃底要翻出嚟先開心，但重點係根本食唔到嘢，飲嘅水都嘔曬出黎，根本都唔敢食。」
完成第一輪化療後，韵琳再發燒，「頭4日發燒真係好辛苦，全部都係39度以上，打冷震到我全身好攰但係完全停唔到唔震，一震就維持兩三個鐘，真係意志力嘅考驗！另外，依家只要少少流血都會好緊張，因為根本癒合唔到，隔兩日就輸一次血。今日先稍微好似有上升，中性白血球有0.3。現階段只求唔好感染。」
韵琳最後於文中表示，明白好突然，但真的需要大家幫助，希望大家登記成為骨髓捐贈者，「因為暫時都未搵到合適骨髓進行移植，所以醫生會嘗試係骨髓庫搵。#我知道機會唔大，但都希望大家願意試一試，請大家幫幫我或者其他有需要既人，感激不盡！」
有意成為骨髓捐贈者的市民，可親臨香港紅十字會輸血服務中心的固定捐血站，辦理登記及驗血手續；
詳情可到香港紅十字會網站：https://www5.ha.org.hk/rcbts/bm
