想要好皮膚？一圖睇清應該食咩好

如果話瘦身係好多人一世的事業，皮膚應該係好多人一世的苦惱。想皮膚無紋、無斑、又白又滑、水分又夠有彈性，原來靠「食」都可以幫到手！

1. 幫助美白的食物
想白白淨淨，最大敵人當然是紫外光！研究指如果每日食用40克蕃茄醬加兩茶匙橄欖油，十星期後，能夠減少皮膚受紫外線傷害40%！而未煮過的蕃茄，則含有較多維他命C，可以幫助抑制黑色素形成，更易做到美白效果。
其他能夠幫助美白食物包括：西瓜、士多啤梨、薏米等

2. 幫助去紋的食物
人體如果缺乏足夠蛋白質，較易出現皺紋。不想皺紋出賣年齡，肉類、蛋、奶等含有豐富蛋白質的食材一定要吃足。除此之外，如果沒有吸收足夠維他命C，會影響膠原蛋白合成，一樣會令皮膚容易出現皺紋，所以新鮮蔬果亦必須多吃。

3. 幫助皮膚有足夠水分的食物
如果欠缺足夠的維他命A及n-3系列脂肪酸，例如EPA、DHA等，會令皮膚容易乾燥，甚至出現黑頭、粉刺。深海魚如 三文魚、沙甸魚 等，含豐富DHA，建議一星期可以進食兩至三次。動物肝臟、木瓜、芒果、菠菜等食物，含有胡蘿蔔素，可以於體內轉化為維他命A，同樣可以幫助避免皮膚變乾。